كلمات الشاعر محمد ابراهيم
برايا شروخ .. جوايا شروخ
فيلم الأيام عمال بيبوخ
الوحده تابوت .. و انا لسه بموت
بعمل مبسوط .. وأنا بتألم
و الحلم كابوس .. و انا فيه محبوس
و الدنيا دروس و انا بتعلم
إدينى جناح .. علمنى أرتاح
علمنى أفضفض و أبقى صريح
الصبر مرار .. و الناس صبار
كل أما أحضنهم ببقى جريح
وبلملم قلبى وبرجعلك ..
و انا كلى كسور ووجع وفراق
يارب العالم .. يا عالم
يا عالم دايما بالأشياء
" إشتقت إليك فعلمنى
أفضل بشتاق "
ليست هناك تعليقات:
إرسال تعليق